واللى بيعدى من المنطقة دىي المفروض مبيرجعلهاش تانى أبدا زي م يكون عليها حظر

السلام عليكم ورحمة الله وبركاته
والصلاة والسلام على رسول الله
الرؤيا بتاريخ 4 مايو 2020

تقول الرائيه :

كنت رايحه لصديقتى عشان نخرج لقيت صاحبتى نزلت من بيتها ومعاها شنطة سفر رديئة وراحة ترميها ف الزبالة وباين منها إنها كتب بتفتح الشنطة لاقيت إنها مصاحف بأحجام مختلفة وباصدارات مختلفة.. المدنى والمصرى والمكى وهكذا.. اتجننت وقلتلها ازاى ترمى المصاحف ده مش ممكن ازاى جه ف دماغك ترميهم قالتلى مش محتجاهم ومش عاوزينهم ف البيت فضلت اطلع المصاحف من الشنطة وقولتها أنا هاخدهم هاخد واحد كبير عشان معنديش والباقي هوديه مسجد.. فجأة لاقيت ف وشى ع يمينى مسجد وع شمالى مسجد ع اليمين عامل صفوف مصاحف مرتبة جداً وجديدة زى اللى ف مكة والمدينة كدة والمسجد اللى ع الشمال عامل نفس القصة والمصاحف ع اليمين لونها أحمر واللى على الشمال أخضر.. رحت اخدت المصاحف كلها ورحت ناحية المسجد اليمين وفضلت انقى هاخد إيه وهسيب للمسجد إيه ورجعت تانى للشنطة لاقيتها اتملت كتب اكتر فضلت اخد الكتب الخاصة ب التجويد ومتون التجويد ولاقيت مصاحف تانى بقيت ألمها لحد م شنطتى اتملت بالكتب ومش هعرف أشيل اكتر من كدة لاقيت كتب السيرة النبوية لاقيت صاحبتى بتقول انا هبيعهم لبنت اسمها رباب ورباب دى مرضيتش تشتريهم قلتلها انا هاخدهم برضه وفضلت اقلب ف الكتب تانى لاقيت كتب الدين بتاعة ابتدائي قلت دى مش مهم لو اترمت لانها فيها من الدين القليل اوى أهم حاجة التقيل اللى ممكن يضيع والأهم من ده كله القرآن الكريم .. وديت القرآن للمساجد وبعدين روحت اركب المترو واللى بيعدى من المنطقة دى. المفروض مبيرجعلهاش تانى أبدا زى. م يكون عليها حظر وفى أمن واقف دخلت المترو ودفعت التذكرة الراجل افتكرنى ادتله فلوس اكتر قلتله لا انا اديتك حق التذكرة بس عاوزة ارجع تانى لانىى نسيت كتب متون التجويد والأمن دخلنى المنطقة بصعوبة.. حسيت انى تهت ومش عارفة ارجع للمكان اخد كتب التجويد مع إن أنا عندى وف كتب احسن منها بس انا مكنتش عاوزة العلم اللى فيها حتى لو قليل يروح فضلت أجرى ف الشوارع عشان الحق اجيبهم وبشوف ناس متبرجات وبيتكلموا مع شباب أو نصارى وضحك وهزار وانا كل ده بدور ع الشارع.

انتهى.

انتهى.