للمدعين والموهومين!!

بسم الله الرحمن الرحيم
السلام عليكم ورحمة الله وبركاته
لماذا تهافت الرجال والنساء وتطلعهم لها وحرصهم عليها وسعيهم الدؤؤب للظفر بها وهذا جنون ليس بعده جنون لان صاحبها الحقيقي كاره لها ومشفق على نفسه منها وبحثت عن اسباب الادعاء والوهم فبعضهم يرى انها منصب ولديه عقدة نقص ويريدها لكي يفخر بها انه المهدي وبعضهم يرى انها سلطة ولديه جنون عظمة ويريدها لكي يتسلط على الناس انه المهدي وبعضهم يرى انها رئاسة ويريد التعالي والكبر والغرور والعجب بها على الناس انه المهدي والصحيح أنها أمانة ثقيلة جدا جدا جدا والحكم ندامة والسلطة غرامة والرئاسة تعاسة هدانا الله واياهم الى طريق الحق بإذنه سبحانه وتعالى.
والله اعز واجل واعلى واعلم

وعليكم السلام ورحمه الله وبركاته . والله انك صادق انا انسان اجد تسليه بصراحه بهالطاري وكاني موهوم فيه واللي يضحكني اني لست اهلا لهالشي اساسا مجرد عامي من عامه المسلمين ومجنون وبيصير مصير المسلمين في يده هههه ونسبي مايرجع لعدنان اساسا وهاذا زاد الطين بله انه يرجع لقحطان والقحطاني ما جت له تزكيه في الاحاديث حتى بعض العلماء شك في كونه مؤمن والخلاصه اني شفت رؤيا مؤمن بها انها رؤيا وهي اني رئيت ربي وكنت انتظر منه بيت او سياره وفجأه طلعت كلمه حكم وجتني وقلت يومين واحكم عاد الجزئيه الاخيره في شك منها هل هي من حديث النفس او تابعه للرؤيا واولتها بالسنتين من تالي وعايش ومستبعد ذا كله وبقى ١٠ شهور الان على تاويلي واللي زاد الطين بله الان وكنه يقولي كل افكارك صحيحه القلاقل اللي صايره وسالفه الحرب الوشيكه وطاح قلبي في سروالي ادري ان مصايب قوم عند قوم فوايد لكن وضعي زفت صراحه ونفسيه محب الناس ولا احب اخالطهم وفي وسط البر اموري زينه وخايف اي شي يخرب على المزرعه والنخل والغنم كل اللي اتمناه من رب العزه والجلال زوجه صالحه تسترني والباقي في حريقه بصراحه ولازال هالموضوع مشغلني والرؤيا ذي . علما الحمد لله لقيت لي مخرج منها واسولف للعامل قلت ابشرك لقيت كلمه حكم في القران ما تدل على الملك قالي وين قلت له مع يوسف ربي اتاه حكم في الايه ثم بعدها راودته زوجه العزيز عن نفسها فكان الوضع طبيعي معه ولا هو لازم يصير له شي يغير حياته . قالي العامل ايووووه صح هاذا قبل يمسك الحكم ثم ضيق صدري زياده هههه المهم ان ذا الحلم مدري شقصته صراحه لكن الاوضاع مزريه حتى الزواج صار يبيله سااالفه وتحاليل مستشفيات وزحمات حتى لو نقدر البائه معد لنا نفس نطلع ونراجع ونقابل الناس ود الواحد معد يصحى من نومته قسم بالله

الحمد لله والصلاه على رسول الله . اطالب اداره المنتدى بحذف جميع ردودي ومشاركاتي اللي بسم مهندعبد الرحمن وهي تكاد تعد على اصابع اليد ولا ارضى بقائها هنا اي لحظه وهي من الخديعه بمكان في حال وضعنا لها ونحن مأمنون اننا قادرين على تعديلها او حذفها متى شئنا ونتفاجى بعكس ذلك والانسان هاكذا وهاذا سبب تعدد مذاهب الشافعي ومن يدري لو طال به العمر لربما تراجع عن اقواله في مذهبه الاخير . واينا معصوم فالصحابه رضوان الله عليهم اخطأوا وذا النون ذهب مغاضبا والرسول صلى الله عليه وسلم انزل الله له عبس وتولى والصحابه في يوم حنين اذ اعجبتهم كثرتهم . الخلاصه . ١- احذفوا ردودي واروح بخيري وشري ٢- سلامات مطرود اسمها الغاء عضويه حسستوني هالموقع جنه الخلد وانا ابليس عشان اصير مطرود ٣- ما احلل ولا اسامح الخدعه ذي انوهم اني اقدر احذف او اعدل ثم افقد القدره على اقوالي وتنحسب علي . اخيرا ما سجلت هنا عشان اعلق خاش بفسر رؤيا لي بصراحه وعرضناها ورد عضو اسمه درع مطفي النور واضحه انها من الشيطان لا دعى لنا بخير وكفايه شرها لاهو على علم ولا خلى اهل العلم يردون حتى وحده تسال عن ليله القدر هالسنه شب فيها خطر يضربها علما فيه رؤى دلت عليها وناس عارفينها ويفسر حتى القطط الميته في رؤيا انهم المنافقين في مجتمعاتنا المنافقه رمانا بالنفاق ورمى الجماعه كلها بالنفاق مافيه مؤمن الا هو لكن الانتضار بالموقع وتشوف كلام تحسه غلط ودك تدفعه بالصح او موضوع تايد راعيه على كلامه مثل هالموضوع وتجيب تجربه شخصيه ثم فجأه لا تقدر تحل ولا تربط . ايضا فيه رؤى مدري هي كيف جايه وتفاسير لها مثلها مثل ناقه النبي صلى الله عليه وسلم اللي تقول خليهم يتجمعون علي ويطعموني بالله ذي رؤيا حتى بالعقل ما تخش لان النياق ترعى وتاكل اي شي وما تحتاج احد يطعمها مثل ناقه صالح قال ذروها تاكل في ارض الله ولا تمسوها بسوء وهنا بالرؤيا تقول وكلوني ثم يجي التفسير انها حفيده المهدي وراح تكون الخلافه عليه شاقه وادعوا له . ماعرفنا المهدي عشان نعرف حفيدته ولو فسرها بسوره البقره كون القران اصبح مهجور والاجتماع على القران رحمه وعلل ان الابل والبقر مقرونه سواء بالقران وقد تدل الناقه على البقره والبقره على الناقه في المنامات من الابل اثنين ومن البقر اثنين والبقره كافيه شافيه للمسلم وقاسها ان القران دليل نبوه الرسول صلى الله عليه وسلم كما الناقه دليل نبوه صالح فهي رمز لسوره من السور او سنه النبي صلى الله عليه كان اوجه واقرب للصواب علما الله اعلم شكلها اضغاث احلام اساسا والناس تصدق زين انكم الغيتوا عضويتي بس احذفوا معها ردودي ولحقوها هالعضويه بعد اذا بتحذفون الرد هاذا معها او علموني انكم بتلغون العضويه خلال اربع وعشرين ساعه اتصرف واحذف قبل تنتهي